הֲגַ֥ם שָׁא֖וּל בַּנְּבִיאִֽים?

Another poem based on Sefer Shmuel

הֲגַ֥ם שָׁא֖וּל בַּנְּבִיאִֽים?

הֲגַ֥ם ר֣וּחַ אֱלֹהִ֔ים צולחת על שכמיו וָמַ֔עְלָה

 גָּבֹ֖הַּ מִכׇּל־הָעָֽם

אשר אֵ֥ין אִ֛ישׁ מִבְּנֵ֥י יִשְׂרָאֵ֖ל ט֣וֹב מִמֶּ֑נּוּ

עֲמֹ֣ד כַּיּ֔וֹם וְאַשְׁמִיעֲךָ֖ אֶת־דְּבַ֥ר אֱלֹהִֽים

וְהִתְנַבִּ֖יתָ וְנֶהְפַּכְתָּ֖ 

לְאִ֥ישׁ אַחֵֽר

 בְלֵ֣ב אַחֵ֑ר

עַל־כֵּן֙  כׇּל־יֽוֹדְעוֹ֙ מֵאִתְּמ֣וֹל שִׁלְשֹׁ֔ם יִּרְא֕וּ וַיֹּאמְרוּ

מַה־זֶּה֙ הָיָ֣ה לְבֶן־קִ֔ישׁ

הֲגַ֥ם שָׁא֖וּל בַּנְּבִיאִֽים?!

הֲגַ֥ם שָׁא֖וּל בַּנְּבִיאִֽים?

הִנֵּ֥ה עִם־נְבִאִ֖ים נִבָּ֑א

וַיְבַקְשֻׁ֖הוּ וְלֹ֥א נִמְצָֽא

הַרְּאִיתֶם֙ אֲשֶׁ֣ר בָּחַר־בּ֣וֹ יְהֹוָ֔ה

כִּ֛י אֵינֶנוּ

וַיִּשְׁאֲלוּ־עוֹד֙ בַּֽיהֹוָ֔ה

הִנֵּה־ה֥וּא נֶחְבָּ֖א אֶל־הַכֵּלִֽים

הֲל֗וֹא אִם־קָטֹ֤ן אַתָּה֙ בְּעֵינֶ֔יךָ

גְבַּהּ֙ רֹ֛אשׁך מִכׇּל־שבטי ישראל

כי משוח לִמְלֹך

למה יָרֵ֙אתָ אֶת־הָעָ֔ם וָתשְׁמַ֖ע בְּקוֹלָֽם

לעַבֹר אֶת־פִּֽי־יְהֹוָ֖ה

לחְמֹל֩  עַל־אֲגָ֗ג

 וְעַל־מֵיטַ֣ב הַצֹּאן֩

וְהַבָּקָ֨ר

וְהַמִּשְׁנִ֤ים

וְעַל־הַכָּרִים֙ 

וְעַל־כׇּל־הַטּ֔וֹב

לֹ֥א אָשׁ֖וּב עִמָּ֑ךְ כִּ֤י מָאַ֙סְתָּה֙ אֶת־דְּבַ֣ר יְהֹוָ֔ה

מַה־זֶּה֙ הָיָ֣ה לְבֶן־קִ֔ישׁ

הֲגַ֥ם שָׁא֖וּל בַּנְּבִיאִֽים?!

הֲגַ֥ם שָׁא֖וּל בַּנְּבִיאִֽים?

כאשר ר֧וּחַ יְהֹוָ֛ה סָ֖רָה מֵעִ֣מוֹ

ורֽוּחַ־רָעָ֖ה מֵאֵ֥ת יְהֹוָֽה צלחת לִעֲתַ֥תּוּ

וַיִּתְנַבֵּ֣א בְתוֹךְ־הַבַּ֔יִת

וַתִּצְלַ֤ח רֽוּחַ־יְהֹוָה֙ אֶל רֵעֲךָ֖ הַטּ֥וֹב מִמֶּֽךָּ

מְנַגֵּ֥ן בְּיָד֖וֹ כְּי֣וֹם ׀ בְּי֑וֹם

וְהָיָ֗ה בִּֽהְי֤וֹת רֽוּחַ־אֱלֹהִים֙ אליו

וְלָקַ֥ח דָּוִ֛ד אֶת־הַכִּנּ֖וֹר וְנִגֵּ֣ן בְּיָד֑וֹ

לסור מֵעָלָ֖יו ר֥וּחַ הָרָעָֽה

וַיִּשְׁאַ֤ל בַּיהֹוָ֔ה וְלֹ֥א עָנָ֖הוּ

גם בטובה גם ברעה

כי יהֹוָ֛ה סָ֥ר מֵעָלֶ֖יךָ וַיְהִ֥י עָרֶֽךָ

וַיְבַקְשֵהוּ וְלֹ֥א נִמְצָֽא

מַה־זֶּה֙ הָיָ֣ה לְבֶן־קִ֔ישׁ

הֲגַ֥ם שָׁא֖וּל בַּנְּבִיאִֽים?!

הֲגַ֥ם שָׁא֖וּל בַּנְּבִיאִֽים?

פוֹשֶׁט בְּגָדָ֗יו וַיִּתְנַבֵּ֤א

נופל עָרֹ֔ם כׇּל־הַיּ֥וֹם הַה֖וּא וְכׇל־הַלָּ֑יְלָה

ויצלח ידו על החנית וַיִּטְלוֹ

לָ֚מָּה קְשַׁרְתֶּ֨ם כֻּלְּכֶ֜ם עָלַ֗י

בְּתִתְּךָ֨ ל֜וֹ לֶ֣חֶם וְחֶ֗רֶב וְרְבָב֔וֹת 

וְלִ֥י נָתְנ֖וּ הָאֲלָפִ֑ים

וְשָׁא֥וֹל לוֹ֙ בֵּֽאלֹהִ֔ים

וְאֵין־גֹּלֶ֤ה אֶת־אׇזְנִי֙

הֲל֣וֹא יָדַ֗עְתִּי כִּֽי־בֹחֵ֤ר אַתָּה֙ לְבֶן־יִשַׁ֔י

וֵאלֹהִ֞ים סָ֤ר מֵֽעָלַי֙

וָאֶקְרָאֶ֣ה לְךָ֔ לְהוֹדִיעֵ֖נִי מָ֥ה אֶעֱשֶֽׂה

 וְלֹא־עָנָ֣נִי ע֗וֹד 

גַּ֤ם בְּיַֽד־הַנְּבִיאִים֙

גַּם־בַּ֣חֲלֹמ֔וֹת

גַּ֥ם בָּאוּרִ֖ים

לָק֥וּם אֵלַ֛י לְאֹרֵ֖ב כַּיּ֥וֹם הַזֶּֽה

סֹ֣ב אַתָּ֔ה וּפְגַ֖ע בַּכֹּהֲנִ֑ים

מֵאִישׁ֙ וְעַד־אִשָּׁ֔ה

מֵֽעוֹלֵ֖ל וְעַד־יוֹנֵ֑ק 

וְשׁ֧וֹר וַחֲמ֛וֹר וָשֶׂ֖ה

כִּי֩ קְשַׁרְתֶּ֨ם כֻּלְּכֶ֜ם עָלַ֗י

וְאֵין־גֹּלֶ֤ה אֶת־אׇזְנִי֙

חֲסַ֤ר מְשֻׁגָּעִים֙ אָ֔נִי 

 ?!כִּֽי־הֲבֵאתֶ֣ם אֶת־זֶ֔ה לְהִשְׁתַּגֵּ֖עַ עָלָ֑י

מַה־זֶּה֙ הָיָ֣ה לְבֶן־קִ֔ישׁ

הֲגַ֥ם שָׁא֖וּל בַּנְּבִיאִֽים?!

הֲגַ֥ם שָׁא֖וּל בַּנְּבִיאִֽים?

לָמָ֥ה אַתָּ֛ה מִתְנַקֵּ֥שׁ בְּנַפְשִׁ֖י

 לַהֲמִיתֵֽנִי׃

 לָ֥מָּה רִמִּיתָ֖נִי

לָ֥מָּה הִרְגַּזְתַּ֖נִי

וְלָ֖מָּה תִּשְׁאָלֵ֑נִי 

יהֹוָ֛ה סָ֥ר מֵעָלֶ֖יךָ

וַיִּקְרַ֨ע אֶת־הַמַּמְלָכָה֙ מִיָּדֶ֔ךָ

וַֽיִּתְּנָ֖הּ לְרֵעֲךָ֥ הַטּ֥וֹב מִמֶּֽךָּ

וּמָחָ֕ר אַתָּ֥ה וּבָנֶ֖יךָ

בׇ֨שְׁתְּךָ֔ ובֹ֖שֶׁת עֶרְוַ֥ת אִמֶּֽךָ-

-שׁוֹלְחֵי אֹיְבֶיךָ וּמֵקִים אֹרֵבְךָ

עִמִּ֑י

כי יהֹוָ֛ה עָרֶֽךָ

וַיֹּ֣אמֶר לְנֹשֵׂ֨א כֵלָ֜יו 

שְׁלֹ֥ף חַרְבְּךָ֣ ׀ וְדׇקְרֵ֣נִי בָ֗הּ

וְלֹ֤א אָבָה֙ 

 כִּ֥י יָרֵ֖א מְאֹ֑ד

הִנֵּה הַכֵּלִֽים נֶחְבָּ֖א ממנוּ

וַיִּקַּ֤ח אֶת־הַחֶ֔רֶב

 וַיִּפֹּ֖ל עָלֶֽיהָ

מַה־זֶּה֙ הָיָ֣ה לְבֶן־קִ֔ישׁ

הֲגַ֥ם שָׁא֖וּל בַּנְּבִיאִֽים?!